नेपाल सरकार युवा तथा खेलकुद मन्त्रालयले राष्ट्रिय युवा नीतिको मर्म अनुसार ७५ वटै जिल्लामा युवा सूचना केन्द्र स्थापना गरी सञ्चालनमा ल्याएको छ । सवै युवा सूचना केन्द्रहरुमा मन्त्रालयले केहि भौतिक सामाग्रीहरु साथै कार्यक्रम र दैनिक कार्यालय सञ्चालनको निम्ति केहि खर्च समेत पठाइरहेको छ । युवा सूचना केन्द्र हाल जिल्ला खेलकुद विकास समिति मार्फत सञ्चालनमा आएको छ । सूचना केन्द्रको छुट्टै कार्यालय र कर्मचारी नभएको कारण सवै जिल्लामा यसको उद्देश्य अनुरुप सञ्चालनमा आएको छैन । मन्त्रालय सवै जिल्लामा राम्रोसंग युवा सूचना केन्द्रहरु सञ्चालनमा ल्याउन प्रयासरत रहेको छ । यसै क्रममा मन्त्रालयले सेभ द चिल्ड्रेन र युवा गैरसरकारी संस्था महासंघसंगको सहकार्यमा ६ जिल्लाका युवा सूचना केन्द्रको सवलीकरण गर्ने साथै केन्द्रमा केन्द्रीय युवा सूचना केन्द्र स्थापना गर्ने कार्य भइरहेको छ ।

सेभ द चिल्ड्रेन¸ युवा तथा खेलकुद मन्त्रालय तथा युवा गैरसरकारी संस्था महासंघ बीचमा कार्यान्वयनको चरणमा रहेको Promoting Model Adolescent and Youth Friendly Information Centers (AYFIC) समझदारीपत्रमा २७ आषाढ २०६९ मा हस्ताक्षर भएको जसमा सेभ द चिल्ड्रेनका तर्फबाट राष्ट्रिय निर्देशक ब्रायन जे हन्टर¸मन्त्रालयका तर्फबाट सहसचिव शान्तिराम शर्मा तथा युवा गैरसरकारी संस्था महासंघका तर्फबाट केन्द्रीय अध्यक्षले दस्तखत गर्नु भएको थियो । रुकुम¸अछाम¸प्युठान¸कपिलवस्तु¸सिरहा र काठमाडौंमा सञ्चालित युवा सूचना केन्द्रहरुलाई सहयोग गर्ने गरीको उक्त समझदारीपत्रको समयावधि समझदारी पत्रमा हस्ताक्षर भएको तत्कालिन मिति २७ आषाढ २०६९ देखि 31 December 2014 तदनुसार १६ पौष २०७१ सम्म रहने उल्लेख भएको छ ।

समझदारीपत्रमा हस्ताक्षर भए पश्चात निर्देशक समितिको सहमतिमा निम्नानुसारका कार्यहरु भएका छन् ।

• सम्बन्धित जिल्लाका युवा सूचना केन्द्रमा कार्यरत कर्मचारीहरुका लागि अभिमुखीकरण तथा क्षमता अभिबृद्धि कार्यक्रम ९२ दिन¸पोखरा
• सम्बन्धित जिल्लाका युवा सूचना केन्द्रहरुबाट भए गरेका कार्यहरुको अनुभव साटासाट¸युवा सूचना केन्द्र सञ्चालन तथा व्यवस्थापन निर्देशिका २०७० को अभिमुखीकरण तथा युवा सूचना केन्द्रहरुको कार्ययोजना निर्माण सम्बन्धी कार्यक्रम ९२ दिने २०७० श्रावण ११ र १२ मा नगरकोटमा सम्पन्न जसमा रेष्टलेस डेभलपमेन्टले सहयोग गरेका ५ जिल्लाका प्राविधिक सहायकहरुको समेत सहभागिता रहेको
• युवा सूचना केन्द्रको रणनीतिक दस्तावेज (Strategy Document) तयारीका लागि काठमाडौंमा १ दिने परामर्श कार्यक्रम सञ्चालन गरिएको जसमा मन्त्रालयका¸सेभ द चिल्ड्रेन¸रेष्टलेस डेभलपमेन्ट¸नेपाल परिवार नियोजन संघ लगायतका व्यक्तिहरुको सहभागिता रहेको । यसका आधारमा Strategy Document को Draft Paper तयार भएको छ जसलाई अन्तिम रुप दिन बाँकी रहेको छ ।
• ६ वटै जिल्लाका युवा सूचना केन्द्रहरुलाई २ र २ सेट कम्प्युटर प्रदान गरिएको । ६ वटै जिल्लाका युवा सूचना केन्द्रहरुमा वितरण गर्नका लागि पुस्तक पत्र पत्रिका सहितका १र१ वटा बाकस तयारी अवस्थामा रहेका ।
• युवा सूचना केन्द्रको छुट्टै वेबसाइट निर्माणाधिन रहेको ।
• मन्त्रालयका कर्मचारीहरु समेतको टोलीले प्युठान¸रुकुम¸कपिलवस्तु जिल्लाहरुमा सञ्चालित युवा सूचना केन्द्रहरुको स्थलगत भ्रमण गरेको ।
• मन्त्रालयका कर्मचारीहरुले भुटान तथा श्रीलंकाको भ्रमण गरी त्यहाँ भएका युवा सूचना केन्द्रहरु तथा युवा विकास एवं परिचालन सम्बन्धी गतिविधिहरुको अध्ययन गरेका ।
• केन्द्रीय युवा सूचना केन्द्र स्थापना गर्ने क्रममा प्रविधिक सहित भौतिक सामाग्रीहरुको सहयोग गरिरहेको ।